| Profilo di .::[ الشـــــام...-------------•(-• الشـــ...FotoBlogElenchi |  Strumenti  Guida |
|
Nessuna categoria in uso.
|
-------------•(-• الشـــامسي •-)•––----------19 agosto اسأله حيرتني واريد إجابهالسلام عليكم
اسمحولي لأني بدوخبكم شوي
اليوم هو اليوم
انزين يعني اليوم
ياللي كل واحد يعرف انه اليوم انزيييييييييين .... لأن اليوم غير عن امس
وامس غير عن اللي قبله
انزيييييييييين ..... وكل يوم غير عن اي يوم
لأن كل يوم ينكتب في عمرك يوم يديد
واليوم اليديد غير عن اليوم وامس وباجر
لأن في كل يوم ايينا ايصير عندك يوم يديد .... يعني اليوم اليديد يتعبر مثل اي يوووووم
لأن مثل ماقلت اي يوم اينا يصير هو اليوم اليديد
انزييييييييين .... فشو هالايام تينا وتروح ونحن مثل مانحن إلا تتغير أطباعنا ولا تصرفاتنا ولا تتغير اصحابنا سبحان الله يكون لكل واحد قلب واحد لكن تلاقينا نحب الكل يمكن نكره وهذي هو الجانب الاسود من القلب فالقلب عباره عن جانبين واكل يعرف هذا الشي ......... يمين ويسار وكذى الانسان يكون له من يحبه ومن يكرهه بس في أسألة وااااااايد حيرتني ليش القب هو عنوان المحبه ليش هو مصدر المشاعر ؟؟؟؟
لو فكرنا فيها عدل بنلاقي ان العقل اللي يحب هب القلب
بس ليش كل مانحب نقول قلبي يحبك ؟؟؟؟؟
ليش مانقول عقلي يحبك ؟؟؟ ليش القلب هو مصدر الحب وليس العقل ؟؟؟ كل واحد يعطينا رايه وفكره عامه
ولكم مني فائق الشكر والامتنان
الشــــــــــامسي 13 agosto فيديو عجيـــــبالسلام عليكم اليوم يايب لكم شي بيبكيكم اكيد ماتعرفون شو هو هو عباره عن فيديو لقيته وعدلت عليه انا واخوي شوي والحين اريدكم اتشوفونه
وهذا للي يريد يحمله يسوي عليه رايت كلك وحفظ بأسم ويحفظه http://jrnas.org/uploader/uploads/zayed_opriet1.rm
واريد رايكم فيه ولكم مني أحلا تحيه معطره ومرويه
الشـــــــــــــــامسي 03 agosto احلا شي في اتلصداقة والاخوه والزوجينالسلام عليكم
شخباركم عساكم طيبين
خوووووزو عني مافي اليوم اريد اتفلسف خخخخخخخخخخخ
بخرط عليكم خريط عن خاطر خخخخخخخخ
عاد كله ولا الشامسي يوم يتفلسف ههههههه
لا لا اريد اقولكم اشياء انا بعض المرات اتم فكر فيه
واليوم حبيت اتكلم كلام عام يعني خرابيط يمكن تفهمون ويمكن لا
وهو عباره عن العلاقات ....... بين الاخوان والاصدقاء والازواج
وهي نظره شخصيه انا اشوفها من منظوري
شو هي العلاقة ؟؟؟
وشو هي الروابط اللي تربطنا مع غيرنا من الناس ؟؟؟
وشو المطلوب من كل واحد منا يسويه ؟؟؟
وشو هي اسباب فشل العلاقات الزوجية ؟؟؟ بأنوعها ؟؟
وليش دايم بين الاخوان مافي تفاهم بينهم إلا في بعض الاحيان ؟؟
..............
انا راح اتكلم واجاوب على واحد واحد من الاسأله ولكم الحريه في الرد واللي يريد يبدي رايه حياه الله والافاده للجميع
..............
اول شي العلاقة
العلاقة هي الرابطة او الاسلوب او نمط الحياه مع اي انسان تربطنا فيه من روابط الدم او الصداقة او الزواج
كل انسان لازم يكون معاه روابط وعلاقات مختلفه مع جميع الناس
لكن في شي وفرق كبير بين هذي الروابط والعلاقات فكل علاقة تختلف عن غيرها من العلاقات وتتميز بخصوصيات
فعلاقة الاخوان مب مثل علاقة الاصدقاء والربع وعلاقة الزواج تختلف كلين عن العلاقتين اللي قبل
لأن كل وحده منهم تتطلب خصوصيات مختصه لها ومتطلبات و واجبات لازم على كل واحد ينظر لها بعين الاعتبار
الاصدقاء
نحن مع ربعنا لنا كم اسلوب للتعامل معاهم ففي ربع يكونون زماله اصلاً في العمل والدراسة ومع الوقت كل واحد يمشي في طريق ولا يتلاقون إلا مع الصدف ... وفي صداقة طويلت المدى وهم الاصدقاء اللي نعرفهم من زمان واللي ارتحنالهم واااايد ونخبرهم اسرارنا ... هذا النوع من الصداقة صعب او نادر توصل له لازم يتميزون بصفات نحن نتميز فيها ان كان الجد ولا الظحك ولا اللي بينهم ... لازم على الواحد ينتقي هذا النوع من الصداقة بحرص لأنه لو غلط في هذا النوع راح يعرض نفسه للخطأ او الخطر لأن كل اسراره راح تفشي ... وبدال مايكون صديق راح يكون عدوا ... هذا من معناته لأن نخاف من ان ندور صديق وفي وزين وامين
اصلاً هذي العلاقة تصير من دون مانحس او انا نفكر كيف بتصير لأنه تصير لاحسين مجرد انا نمي لأنسان ونرتاحله ونحسه مرتاح لنا ونحس نوع بالامان عنده تلاقي نفسك تفضفضله لو كنت متضايق ... وبعد لما نتكلم عن شي او سر يمكن نبدء بــ سر بسيط يعني مثل الاختبار لهذا الصديق اللي ارتحناله .... سر ورا سر بطريقه غير مباشرة نراح نعرف ان هذا الانسان يصلح انه يكون صديق قريب علينا وامين على اسرارنا ولا لا
في ظل الصداقة والامانه في اشياء من الصعب انـّا نقولها لأصدقائنا
يعني مثل في مشكله بيني وبين اهلي في البيت .... هل من المعقول اني ايي واقول لربيعي عنها اكييييد صعب ... هذا الشي عند الشباب لكن اما عن البنات فتقريباً عادي لأنها لما بترمس عن خوانها تراهم رياييل وابيعيب شي عليها
بس بعد فوق كل هذا مايقدرون الربع يكونون مصدر امن على هذي الاسرار
هني يظهر لنا مكان اخ او الاخت
الخوان شي عجيييب صدقوني شي عجيييب
لأنه تقدر تغيرهم من اخ بعيد عليك او بينك وبينه مشاكل إلى اخ عزيز وغالي وفي نفس الوقت صديق امين عليك وعلى اسرارك اكثر من ربيعك اللي قريب عليك وتأمنه .... لأن اخوك اللي يعيبك اهم بيعيبه .. من الصعب انه يسوي شي يضرك ويضر سمعتك لأنه اللي يعيبك يعيبه ........ ويااااما شباب عرفناهم هم خوان وهم ربع مع بعض
صحيح صعب يوصل الاخ او الاخت لهذي المرحله لأن غالبا مايكون هناك اختلاف السن والفكر
لكن كل واحد منا يقدر يكسب خوانه واسهل شي انك تكسب خوانك اللي اصغر عنك
ليش سهل ؟؟؟
لأنك انت تقدر تنزل تفكيرك لهم وتقدر تتعامل معاهم بطريقتهم لأنك في يوم من الايام كانت مثلهم او نفس الفئه العمريه اللي هم يمرون فيها تعرف شو يريدون وبشو يفكرون
بقولكم شي انا مثل كان اخوي الصغير وااايد يخاف مني وبيني وبينه سلام وبس ..... شو سويت علشان اكسبه؟؟
فكرت بشي بسيط
انا لما كنت في عمره كنت افره بالهدايات والاعاب واايد وكنت استانس على الكاكاوا وكنت احب اظهر الحديقه
منو اللي كان يسويلي كل هذا اكيد الاهل الاب ولا الام
فجربت انا اسوي هذا الشي لخواني الصغار
قمت اييبلهم هدايا اييبلهم كاكاو وعصاير و وقت اكون فاضي اظهرهم واضحك معاهم واسوي حركات مثل مستواهم في التفكير مثل المقالب الصغيره كأني اسوي نفيخة ماي واعقها عليهم وضحك وسوالف انا كشخص من المستحيل اني اسوي جي مع ربعي لكني اسوي هذا شي مع خواني الصغار لأني اعرف انهم بيستانسون علي
كذيه صاروا يحبوني الصغار
لكن خواني اللي تكون فئتهم العمريه بين 13 و18 هذيلا محتايين للكلام اكثر من الضحك والطلعات ولا الحلويات ولا الهدايا
هذيا الناس محتاجين للكلام لأنهم يمرون بضغوط نفسيه وتقلبات داخليه ...فالبنت كانت انسانه في صغارها تحب الضحك والسوالف ولا يهمها شي غير تضييع الوقت .... في تغيرها تتحول من انسانه همجيه تفكيرها مثل تفكير الاولاد تتحول إلى انسانه عاطفيه حساسه يمكن نحن الشباب يمر علينا موقف سريع ولا نبالي ولا نحط في الخاطر وكأنا ماصار شي لكن البنت غير ياجماعه
تلاقيها تفكر كيف صار الموقف وليش والشو السبب النت تفكر بشياء صغيييييرة يمكن نحن الشباب ماننظر لها او بالاحرا ماتيي على بالنا موليه ...هي المعامله تختلف من الولد للبنت الشباب يحبون سوالف السيارات او الطلعات والمغامرات ... يعني الاشياء الحركيه أكثر من الكلام ... فتلاقي الشباب إذا تلكمت معاهم وطولت في الكلام تحصله يلتهي بشي ثاني او انه يتصرف بتصرف يخليك توقف كلامك مثل انه يتمصخر او انه يدعي انك انت تخرط عليه او تكذب عليه
لكن البنت غير البنت بتسمعك وبتحاول تستوعب كل كلمه وبتبقى كلمات في ذاكرتها ويمكن انت تنسى وهي تذكرك ليش لأن البنات يركزون على الاشياء الصغيره الدقيقة
هذي ميزه حلووه لكن في نفس الوقت عيب كبير عند البنت
تعرفوين كيف ؟؟؟
انا بقولكم كيف .... نضرب مثال وقلنا ان في موضوع قلنا لبنت
مثلاً زواج المسلمه من المسيحي ...
وتكلمنا عن فرق العلاقات ومعاملات الاجانب واسلوبهم في الحياه وطريقتهم وعيالهم وكل شي يخصهم وتخضنا في فرض العلاقات وكل شي
هني البنت بتم تفكر كيف وليش وشو يصير والاسباب كل شي
لكن الريال بختصار بيقول زواج المسلمه من المسيحي حرام ... ليش افكر واعور راسي على شي من الاساس محكوم عليه وهو حكم رباني ونحن مجبور انا ننطاع لأمره ...
صحيح ان انك تفكر بالاسلوب والعلاقات مب عيب حتى لو تعرف الحكم من الاساس
لكن الريال بيقول انا بضيع تفكيري و وقتي على الفاضي ادور شي يفيدني من الاساس احسن
الريال يفكر بشكل عام وبالمضمون اما الحرمه او البنت تفكر بالتفاضي الدقيقة
هني راح ندخل لموضوع ثاني وهو الزواج ومشاكله الزوجيه
راح أأجل موضوع الزواج للمره ثانيه لأني طولت عليكم بكلامي
راح اتكلم عن الزواج ومشاكل والاخطاء اللي يقع فيها الزوجين المره اليايه
لكني إذا ماحصلت ردود تسر الخاطر ماراح احطه
والسموحه لأني طولت عليكم بالكلام واتمنا ان حد يستفيد وللي يريد يحط رايه او نظرتة حياه الله
ولكم مني أحلا تحيه وباقة ورد مهدية
الشــــــــامسي
08 luglio مجموعه من الاحلام--- الجــزء الاولالسلام عليكم
اليوم ياينكم بموضوع يديد
وهذي أول مره اسوي موضوع شرات هذا
راح اخبركم مجموعه من الاحلام اللي مرت علي وما نسيتها
بس قبل كل شي عندي طلب خاااااااص
لو سمحتو ماريد أي تفسير لأي حلم
واللي بيفسر اي شي بزعل منه وعاد كله ولا زعلي سوووبر زعل خخخخ
هذا رجائي واتمنا انكم ماتزعلون مني لأني ماحب التفسير
--| لكني اريد ردودكم الحلوه ورايكم في الاحلام |--
المهم راح ابدء بحلم البارحه
الحلم الاول
- يقول الحلم -
لقيت نفسي رايح بيت ناس كانوا ييرانا قبل ماننتقل بيتنا اليديد ...تميت ادق عليهم الباب محد يرد بقيت فتره طويلها وبعدها قلت بروح خلاص ولنا رايح اركب سيارتي شوي إلا اخوهم وصل ورحت عنده تمست اسولف معاه سألني عن اهلي وسألته وتخبرنا سوالف بعض وسألته قتله وين سافرتوا هذي السنه كان ظهرة اخته وقالت رحنا سويسرا .. وتمينا نسولف كلنا ... وبعدين دش الريال داخل بيتهم شوي لقيت بطاقه مالت رصيد مالت اتصالات المهم مادري ليش خذيتها ومسحت عن الرقم .... ولما مسحت عن الرقم المفروض يظرلي رقم لكن كان في كلام مكتوب مكانه .... اللي فهمته من الكلام انك ربحت شي
يانا الريال وقتله خذ بطاقتك اسمحلي مسحت عن الرقم
قالي خذها انته يالس اقوله ربحت شي وشوف ماطاع يسمعني ... خذيت البطاقه و روحت ومريت على اتصالات .... وقالولي اني ربحت بطاقة الاشتراك في مسابقة مسويتنها اتصالات
فرحت وااايد ورحت المسابفة كان في مكان بعيد مادري وين مثل غابة على بيوت قدام بالحجر وبحيرات المهم كان هناك اولاد وبنات الصغير والكبير كانت مجموعه كبيرة
وقالولنا بتدخلون مكان ووتتنافسون على اللي يخلص الادوار كلها بأسرع وقت المسابقة كبيرة وبتمتد لكم يوم .......
بدت المسابقة دخلت انا وتمينا نظهر من امكان حق مكان ثاني ونتسلق ويطلبون منا نسوي اشياء ونخلصها ونظر من المكان ........ المهم انا تقدمت عليهم وكنت اول واحد وكانت في بنت بعدي دشيت ممر كله ظلام وفيه شوي نوور وفي جهاز لازم اشيله معاي لين آخر الممر وهناك في حد بيساعدني
شليت الجهاز معاي ومشيت وكان الممر ظلاااااام ماشوف شي حلوت اني اوص من دون مايطيح الجهاز ولما وصلت لقيت الريال قالي تعال وراي كان هناك كم باب وضلام وانا بروح معاه شوي إلا البت واصله اللي كانت وراي ويالسه تمشي في الممر وطاح عنها الجهاز وطاحت رحات اساعدها اقعدها قالي الريال اللي شكله يروع قلي بروح عنك تراني قتله بلحقك قومتها المسكينه وقتلها لازم تروحين تاخذين الجهاز مره ثانية وتمرين لأنهم مابيخلونج تمرين ... وراحت المسكينه رديت انا مكان الريال ماحصلته لقيت كم باب .... ماعرفت ادش اي باب آخر شي دشيت في باب وظهرت في غرفه والباب كان عباره عن خزانه يعني كبت ... المهم كان هناك اخوي وشوي قالي تعاااال شوف هذا المسج قال توه واصلني وفيه اسمك ولما قريته مافهمت تمفت فتره افكر شو معنى واكتشفت اني ظهرت من الباب الخطأ رحت ادش الخزانة ماطاعت تتبطل رحت اركض بسرررعه اريد الحق وارد من اول قلت الحين كلشي اعرفه وبوصلهم بسرعه .... وبديت من أول ويديد وشوي ألا سكرو كل شي وقالوا المسابقة بس بالليل
هني انا قمت من النووووم
- وخلص الحلم -
حرااااام كنت بفوز لولا مساعدتي للبنت
الحلم الثاني
هذا الحلم حلمته نفسه كم مره
- يقول الحلم -
لقيت نفسي في اول الحاره - الفريج - كانت واقف مع مجموعه من الشباب يالسين نسولف وشوي لمحت بنت صغيره عمرها حوالي من 3 إلى 4 سنوات كانت واقفه قدام بيتنا كانت تصيح بشكل يعور القلب تمينا فتره وهي على حالها تصيح .... وبعد فتره ظهرة حرمة عيووز من بيتنا ماعرفها اول مره اشوف هذيج الحرمه المهم راحت عند البنت وتمت معاها تحاول تسكتها والبنت مب راضيه تسكت شلتها وكانت تريد تدخلها بيتنا والبنت تصيح اكثر مب راضيه بالمره تدخل شوي إلا انا روحت عندهم وخذيت البنت عن العيوز وشليتها وسكتها وتميت ألاعبها شوي وضحكها شوي استانست البنت علي واااايد وشوي دلختها البيت وعادي ماهمها وكنت ألعب معاها انا هني حبيتها مادري كيف شي حسيت فيه اني حبيتها هذي البنت ماطعت اهدها ماعرفها ولا ادري عنها شي لكني حبيتها كان حلوووه شعرها اسود طويل عيونها عسلي غامق كانت بيـــضه ومافي احلا عن ابتسامتها اتذكر شكلها زين مازين حبيتها عن خاطر .... وشوي ظهرت بنت اخوي ... اونه منووو هذي وليش شالنها غيرانه منها لأني كنت يالس وحطنها في حضني وشوي يات ويلست عدالها الغيرااااانه
وشوي وقمت من الحلم
- وخلص الحلم -
كان حلم غريب شوي لكني استانست من البنت
الحلم الثالث
هذا الحلم هو تابع للحلم الي قبله
ماذكر منه الكثير لكني بقولكم شو صار فيه
- يقول الحلم -
البنت اللي حلمتها قبل كانت تسكن معا اختها وامها ابوها ميتين كانت الاخت البنيه ماتهتم في اختها البنت الصغيرونه كانت تطلع وماترد إلا اخر الليل وكانت دايم تسبها وتضربها وفي يوم من الايام ييت انا عند اختها وقتلها إذا ماراح تهتمين بأختج تراني باخذها ....على طول ردت علي خذها ماريدها انا عصبت منها وخذيت اختها وربيتها انا
قمت اشتريلها الثياب أأكلها و اوديها المدرسها استانست عليها وردت لها الروح وقمت نطلع رباعه ونرد رباعه ....
هذا كل اللي اذكره من الحلم
وخلص الحلم
الحلم الرابع
هذا الحلم غير عن الاحلام اللي قبل هذا حلم غريييب واااايد قمت منه وانا فازع كان مثل الرعب لي
وهذا الحلم صارله اكثر من سنتين المهم
- يقول الحلم -
لقيت نفسي انا واهلي يالسين كلنا في الصاله وكان التلفزيون مشغل وشوي طلعوا في التلفزيون خبر عاجل وقمنا كلنا نطالع ....
كان شاروون اليهودي كان يالس ويريد يسوي شي كان يريد يمسك القرآن ويتمصخر عليه
كان شكله خااايف ونحن نطالع متوقعين شي كبير يصير ماعرف شو هو لكن كان عندي احساس كبييير ان شي خطير بيصير
يابوله القرآن وكان خااايف والعرق يتصبب منه كان القرآن حاطينه في خلقة لأن محد منهم يجرء يمسكنه وكان شارون يريد يتحدا الكل ويمسكن ومايصيرله شي .... شوي إلا عطوه الخلقة وهو خيفان بطلها وطلع القرآن نحن هني نقول الحين بيصير شي ويالسن نتريا شو بيصير فتح القرآن وماقم يقلب الصفان ونحن نتريا شو بيصير وقام يضحك ويقول مافي شي عادي مايصير شي
ونحن متأكدين ان في شي لااااازم بيصير
وشوي إلا قمت من النوم وانا فازع
خلص الحلم
انا مالي خص بالاخبار وماحب اطالع الاخبار لكني استغربت شو ياب شارون في احلامي والشي الغريب الاحساس اللي كنا نحس فيه لما كنا نطالع شارون .... وهذا إلا حلم
الحلم الخامس
هذا الحلم بعد حلم غريب ويخوووف هذا عاد ماخبرت احد عنه ونسيته تقريباً اذكر من الشي القليل
- يقول الحلم -
هذا كان في بيتنا القديم ..قمت في الحلم من النوم على صراخ وحشره قلتلهم شو في شو في ؟؟؟...قالولي سكر الدرايش بسرعه ولما رحت اسكر الدريشه شفت برع مكان كله عوسه وذيابه و كانت فيه ظلمه والعوسة الذيابه كانوا ياكلون الدياي والطيور اللي كانت في بيتنا ويصارخون كان مثل الرعب لنا سكرت الدرايش وهي تحاول تدخل عليها ويصارخون ويعاوون وشوي إلا يزقرون علي تعااااااااال تعاااااال الصاله بسرعه ييت هناك حصلتهم مسكرين الباب و واقفين عليه علشان مايتبطل كا في شي رهييييب وراه كان يدق الباب بقوه يريد يكسرة تمينا ماسكينه وهو يضربه ضرب ويحاول يكسره شوي إلا انكسر الباب تشاردوا خواني كل واحد شرد غرفته وشوي ألا ظهر نمر كبييييييير كان شكله يروع عيونه حمر وحلجه يقطر دم واسنانه كبار ويزاعق علينا ويتقدم وكان شكله يوعان ويريد ياكلنا انا هني ركضت في البيت وركض وراي لحقني لحقني وانا ازااااعق من الروعه ......رحت عند الغرفه واحاول اسكر الباب ويكسره علي ويعفد علي
انا هني خلاااااااص منتهي
وشوي إلا اقوووووم من النوم وانا اصارخ
ويييييييه كان بياكلني
قبل هذا كله في اشياء واايد صارت لكني ماذكرها
وخلص الحلم
ويكفيكم هذا اليوم
وبكلمل باقي الاحلام بعدين
ومثل ماقلت في أول الموضوع
ماريد أي تفسير لأي حلم
في ناس واايد يحبون تفسير الاحلام ... لكني انا غير الناس ماحب تفسير الاحلام علشان جي قليل اني اقول احلامي لأي شخص
وهذا بلوجي اليديد وان شاء الله يعجبكم
تقدرون تقولون رايكم عن الاحلام لكن من دون اي تفسير
ولكم مني أجمل واحلا تحيه معطره ومرويه وفوقها هديه
 ..+| الشــــــامسي |+.. 29 giugno منووو افتقدني ؟؟السلام عليكم
اول شي ادري ان محد مفتقدني قلت يمكن ولعلى ولعسى ألاقي حد يقولي وييييييييينك من زمان لكني ماحصلت شي إلا زوار يدد ولا تعقيب على المواضيع السابقة مش مهم ......لأن هذا انا ما متعود حد يسأل علي دوووم مع ان هذا اللي مبين
حبيت اسلم عليكم واقولكم انا موجود حالياً والسموحه على القطاعة ------------------------ سمعت ان نتايج الثانوية ظهرن اشم ريحت عزااااايم ياويل حالي لازم ادور الربع اللي في الثانوية العامه حلات ربعتهم هذا الوقت خخخخخخخخخخ وامسيكم بالخير
][ الشــــامســي ][ 29 aprile مساكين الشباببخبركم ســـالفه
خخخخخخخخخخ
الشباب مساكين يصيحون ..... تعرفون ليـــــــــش ؟؟؟ خخخخخخ
الله يسلمكم ترى نسلت قرارات يديده في إمارات بوظبي وصاروا مشددين وااااااااااااااايد
تعرفون على شوووووه ؟؟؟؟
على المغازلجيه خخخخخخخخخخخخ ...... الله يسلمكم ترى كل مافي السالفه انه نزل القرار من فوووق ويقول القرار الاول اي واحد يرقم بنيه علطووووول من دون رحمه ولا كلمه على طوووول زخوووووه يدووودووه مافيه .....خخخخخخخخخ والمراقبه في كل المراكز والشوارع المشهوره بالترقيم والحدايق
انزيييييين
والقرار الثاني نزل تقريباً بعد شهر وشي من القرار الاول يقول انه اي واحد يسوي حركه ولا يحلحق بنيه يعني يمشي وراها اي حركه يسويه ا على طوووول يودوه سجن وغرامه والوافد يتسفر ......اي واحد يعلي الصوت مال المسجل علشان يخلي البنات ينتبهون عليه على طووووول يودوه بمعنى يمسكون الواحد على النيه خخخخخخخخخ
وانزخوا فيها نقبه وضباط ومرشحين وماااااااافي اي واسطه تشفعلك إلا من صاحب القرار وصاحب القرار هو سيدي وصاحبي و والدي رئيس الدوله الشيخ خليفه بن زايد طول الله في عمره
يعني مافيه مني ولا مناك على طوووووول يودوه ولا تنفعك ابوووو الواسطه انزخووا فيها شباب واايدين وهنوود ومصاروه وزلمات ورياييل كبار وشباب صغار مااااافي يا امي ارحميني يااااااويلكم يااا الشباب خخخخخخخخخ
تعالوا سمعوا الشباب شو يقولون
واحد شاف وحده ماره وتضحك وتسوي حركات قال اووووف ما باليد إي حيله زاخينا من اليد اللي تعورنا خخخخخخخ
قال الثاني اخاف حتى في الحلم يزخوني يقولن ليش تحلم ترقم خخخخخخخخخخ
لاااا وشباب يقولون ليش مايزخون البنات هم يسون حركات خخخخخخخخ وفي قرار ثالث لكني هب متأكد من وهو يخص البلوتوث وماراح اقوله لأني هب متأكد منه
ياااااااااويلكم يالشباب
اضني في الإجازه مابتحصل ولا واحد من الشباب يمشي في الشارع بيموتون في غيضهم وبيسافرون ..... من فتره روحت صوب الكارفور كان كله اسود من البنات شكل الشباب خلاص حذفوا السناتر من قائمت الحواطه اما عن الصناعيه لا تتخبرون كلها شباب خخخخخخخخخخ مافي مكان غير الصناعيه يقضون اوقاتهم فيها مب احسن من انه يرقم وينعق في السجن
وحليلهم يا الشباب تكسورن الخاطر
ولا البنات معيدين مافي حد بيتحرش فيهم خخخخخخخخخخ
والحين خبروني شو رايكم بالقرارات اليديده وحالت الشباب المزريه ؟؟؟؟؟
خخخخخخ 17 aprile موااقفالسلام عليكم
ادري ذليتكم عليه هذا البلوج خخخخخخخ
بس عاد اكيييد مسامحسيني
اليوم بقولكم واحد من المواقف اللي صارتلي
الله يسلمكم كنت راد البيت وفايق
ويوني الفرقه العيناويه ((يعني الاهل)) وقالولي
بليييييييييييز ودانا السوق نريد نشتري غراض للبيت
وانا مستحيل هذا اليوم هو فترة نقاهه لي من الحواطه والهياته
تموو يجوني بليييز بليييز وانا مستحيل
اخر شي شكلهم زعلوا
وقالوا انت دايم جي لما نحن نريدك تسويلنا شي ولا توصلنا ماطيع ولا حد من ربعك بتقوم تربع ..... -عاد لما يعصبون ينسون كل اللي اسويه علشانهم- آخر شي
رحمتهم وقلت اوكي خلاص بوديكم وين رحنا ؟؟؟
الكارفور
المهم بعدين روحنا هناك وخذينا اغراض وااااااايد وهم يحطون في السله وانا انزل هم يحطون وانا انزل وصارت السله تقول يبل من الاغراض
ومنو يدفها غير الفقير المسكين اكيييد محد غيري
المهم قالوا خلاص بسهم .... انا فرجت خلاص بنظهر
لما روحنا نحاسب كان المكان مترووس ناس بنات وعائلات
وهنوود وزلمات وانجليز
كان هناك عااااااالم
المهم لما قربت عن المحاسب شوي ولا تنفك السله من صوبي ويطيح كلللللللل الغراض علي وتوصخت وكولا على حلاوا على كيك وخرابيط طحين ماطحين الوكله طاح علي انا مستغرب
 كيف وصل ويهي صارت كندورتي بالالوان واسمع العالم كلهم كاااااااااااااككككك هاااااااه هااااااا هااااااا
هههههههههههههههههه
والكل يضحك علي لفيت وراي ادور الاهل يمين يسار توهم كانوا وراي بالضبط وينهم اختفوووا اشووف في صوب بعييييييد واقفين ويضحكون علي
حسيت بحرقت ويه ماعرفت وين اودي ويهي الكل يضحك علي
وفي خاطري اقول مامنكم من الغبي اللي طاوعكم ويابكم الكارفور لو بعد وديتهم الجمعيه احرم
وردينا البيت من عدها قلتلهم التووووووووبه اوديكم الكار فور طلعوا نذاله يوم طحت فيها وصار ماصار خلوني في الفشله اروحي
ما انساه هذا اليوم لأنها كانت اكبر فشله لي
الحمد لله محد صور ولا كانت بتكون فضيحتي بجلاجل
هذا واحد من المواقف اللي صارتلي
انشاء الله اخبركم مواقف ثانيه
^_^
- الشـــامسي - |
|||||
Invia un messaggio privato
Sottoscrivi RSS
Dillo a un amico
Aggiungi a My MSN
Aggiungi alla tua rete di amici
Iscriviti al servizio Alerts|
|
%e2%80%a2%e2%80%93%e2%80%93----------+-+Windows+Live&referrer=){kind=small}
